Дзеянні пры афармленні ДТЗ без удзелу ДАІ

Вы можаце аформіць паведамленне аб ДТЗ (Еўрапратакол), калі:

  • дарожна-транспартнае здарэнне адбылося з удзелам двух транспартных сродкаў, і шкода нанесена толькі транспартнаму сродку ўдзельнікаў ДТЗ;
  • абставіны ДТЗ, характар і пералік бачных пашкоджанняў транспартных сродкаў не выклікаюць рознагалоссяў ва ўдзельнікаў дарожна-транспартнага здарэння;
  • асобы, якія кіравалі транспартнымі сродкамі, не прад'яўляюць прэтэнзій да стану адзін аднаго (не знаходзяцца ў стане алкагольнага ап'янення альбо ў стане, выкліканым спажываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, у выніку дарожна-транспартнага здарэння не нанесена шкода жыццю або здароўю) і маюць права на кіраванне (дзеючае пасведчанне кіроўцы альбо часовы дазвол на права кіраванне) транспартным сродкам адпаведнай катэгорыі;
  • у дачыненні да транспартных сродкаў маюцца дзеючыя дагаворы абавязковага страхавання грамадзянскай адказнасці ўладальнікаў транспартных сродкаў (перыяд дзеяння дагавора ўключае дату ДТЗ, выплачаны чарговы ўзнос);
  • шкода, прычыненая транспартнаму сродку кожнага з удзельнікаў ДТЗ, ацэньваецца імі ў памеры да 800 еўра па ўстаноўленым Нацыянальным банкам афіцыйным курсе беларускага рубля ў адносінах да Еўра.

Пацярпелы павінен звярнуцца альбо ў страхавую кампанію вінаватага, альбо ў тую, дзе быў аформлены яго дагавор страхавання і пісьмова заявіць аб ДТЗ. Копія паведамлення аб ДТЗ-для вінаватага ДТЗ, Арыгінал паведамлення - для пацярпелага.

У выпадку афармлення ДТЗ з удзелам супрацоўнікаў ДАІ: падрабязная інфармацыя аб вашых дзеяннях прадстаўлена ў раздзеле "Страхавы выпадак"("Вы патрапілі ў аварыю").

Вы таксама можаце звярнуцца ў кругласутачны колл-цэнтр па кароткім нумары 140 для кансультавання грамадзян па пытаннях, звязаных з афармленнем ДТЗ без выкліку ДАІ (колл-цэнтр 140).

Аператарамі кол-цэнтра прадастаўляюцца кансультацыі аб парадку і ўмовах афармлення ДТЗ на тэрыторыі Рэспублікі Беларусь без выкліку супрацоўнікаў ДАІ, уключаючы праверку наяўнасці дзеючых дагавораў абавязковага страхавання грамадзянскай адказнасці ўладальнікаў транспартных сродкаў у базе даных Беларускага бюро, а таксама аб парадку запаўнення бланка паведамлення аб ДТЗ.